کوردی      عربي       فارسی       English       Kurdi  
    
  لە رۆژی بێسەروشوێنكراواندا: چارەنوسیان ئاشكرا بكەن
لە رۆژی بێسەروشوێنكراواندا: چارەنوسیان ئاشكرا بكەن

ئەمرۆ 30 ی ئاب رۆژی بێسەروشوێنكراوانی جیهانە، كوردستانیش هەرێمێكە لە وڵاتێك چ خۆی و چ عێراق، یەكێكە لەو 30 وڵاتەی جیهان كە هاووڵاتیانی تێدایە بێسەروشوێنكراون بەهۆكاری سیاسی، لە ئاستی جیهان ژمارەیان بە 46000 كەس دیاریكراوە، ئەوانەی تۆماركراون لە ناوەندە جیهانیەكان بە تایبەت نەتەوە یەكگرتووەكان و خاچی سوری جیهانی و هاوپەیمانی جیهانی دژ بە بێسەرو شوێنكردن و .... لە كاتێكدا تەنها ژمارەی بێسەرو شوێنكراوانی ئەنفال و بارزانی و فەیلی چەندین بەرابەری ئەو ژمارەیەیە.
بَسەروشوێنكردن تاوانێكی زەقی مافی مرۆڤ و یاسای نێو دەوڵەتی و جاڕنامەی گەردونی مافی مرۆڤە، هیچ دەسەڵات و گروپێك مافی بێسەروشوێنكردنی هاووڵاتیانیان نییە، تاوانكار بە پێی یاسای نێودەوڵەتی نابێت لە سزا رزگاری بێت.
بە بێسەروشوێنكردنی مرۆڤ، پێشێلی مافی ژیان، مافی داكۆكی لە خۆ، مافی ئەشكەنجە نەكردن، مافی دادگاییكردنی دادپەروەرانە، مافی ناسنامە، مافی وتنی راستیەكان، مافی قەرەبووكردنەوەو داوای لێبوردنكردن ..... ی قوربانی پێشێلكراوە، هاوكات بێسەروشوێنكردن پێشێلی مافی بنەماڵەكانیشیانە لە دابین نەكردنی ئاسایش ، مافی ئابووری بۆ ژیان، مافی خوێندن، چارەسەری تەندروستی.
لەم بۆنەیەدا وێڕای ئیدانەكردنی بونسەروشوێنكردن بەسۆی بیروباوەڕی جیای سیاسییەوە لە كوردستان داواكارین:
1- الحكومةەتی هەرێمی كوردستان لیستی ناوی بێسەروشوێنكراوان، هۆكاری بێسەروشوێنكردن و هۆكاری مردن، شوێنی مردنیان بڵاو بكاتەوە، ئەوانەشی ماون ئازادیان بكات.
2- شوێنی كۆكردنەوەی بێسەروشوێنكراوان بپارێزرێت و بۆ یاداوەری بێسەرو شوێنكراوان و دروست كردنی مۆنمێنتی یاداوەرییان.
3- بە یاسا بێسەروشوێنكردن لە كوردستان قەدەغە بكرێت.
4- داوای لێبوردن لە بنەماڵەكانیان بكرێت و پەیمانی دوبارە نەكردنەوەی بدرێت.
5- روفاتی قوربانییەكان بگەڕێنرێتەوە بۆ كەسوكاریان.
6- قەرەبووی ئابووری كەسوكاریان بكرێتەوە بۆ ماوەی رابردوو، ژیانێكی شەرافەتمەندانەیان بۆ دابین بكرێت لە روی دارایی و خوێندن و چارەسەری تەندروستییەوە.
7- بە یاسا پارێز بەندی بۆ كەسوكاری قوربانیان، پارێزەرەكانیان، رێكخراوەكانیان دیاریبكرێت بۆ التنیی راستییەكان و داكۆكیكردن لە مافەكانیان.
8- پێویستە زیندانەكانی كوردستان سجلی هاتووان و دەرچوانی هەبێت، هیچ كەسێك لە دەرەوەی زیندانە فەرمییەكان زیندانی نەكرێن.
9- بێسەرو شوێنكردن وەك تاوان سەیر بكرێت و بكەرانی سزا بدرێن، بڕیاردەران، ئەنجامدەران، هاندەران لە سزا نابێتت رزگاریان بێت.

رێكخراوی كوردستان بێ جینۆساید
كردستان بدون إبادة
30-8-2018
ژمارەی بینین:  284      بەروار:  31/08/2018
هیچ سەرنجێک بوونی نیە‌ .
تکایە سەرنجەکەت لێرەوە بنێرە  
   

ماڵپه‌ڕی پێشوو ١
ماڵپه‌ڕی پێشوو ٢
    
Copyright 2012. All Rights Reserved.