کوردی      عربي       فارسی       English       Kurdi  
    
  جینۆساید دەبێتە بابەتێکى خوێندن لە سەرجەم کۆلێژ و زانکۆکانى کوردستان

 

جینۆساید دەبێتە بابەتێکى خوێندن لە سەرجەم کۆلێژ و زانکۆکانى کوردستان


ئەمڕۆ (6/6/2017 ) لە کۆبونەوەی ئەنجومەنی وەزارەتی خوێندنی باڵاو توێژینەوەی زانستی دا، بڕیاردرا جینۆسایدی کورد و گەلان لە هەموو بەشەکانی خوێندن  جینۆساید وەک زانست بخوێنرێت و جێگیربکرێت..

جینۆساید بۆتە بەشێک لە ناسنامەمان!

ئەمەش دەقی بڕیارەکەی ئەنجومەنی وەزارەتی خوێندنی بالاو تۆژینەوەی زانستیە:

لە تەوەرێکى دیکەى کۆبونەوەکەدا، گفتوگۆ لەبارەى خوێندنى جینۆساید لە زانکۆکانى هەرێمى کوردستان کرا، بۆ ئەوەش وەزیرى خوێندنى باڵا و توێژینەوەى زانستى ڕایگەیاند: بابەتى جینۆساید یەکێکە لە بابەتە گرنگەکان، بۆیە وەک زانکۆکان دەبێ بەشدارى زیاترمان لە ناساندنى ئەو بابەتە هەبێ، بەشێوەیەک دەبێ وا بکەین هەمو تاکێکى کورد مەسەلەى ناساندنى جینۆساید بناسێنین، چونکە جینۆساید بۆتە بەشێک لە ناسنامەمان، سەرۆکى ئەنجومەنى وەزارەت ڕاشیگەیاند: کە دەبێ زانکۆکان بتوانن ڕۆڵێکى زیاتر لەو بوارە بگێڕن و، لە هەمو بەشەکانى خوێندن  جینۆساید وەک زانست بخوێنرێت و، ببێتە بابەتێکى زانستى و، زانیارى تەواو لەسەر جینۆسایدى نەتەوەکانى دیکەى وڵاتانیش تیدا بخرێتەڕو، لە کۆتایشدا وتى: بۆ ئەو بابەتە چەندە خەڵکى شارەزا و پسپۆڕ و کەسانى ئەکادیمى هەیە بانەگەوازیان بۆ دەکەین و، لە چوارچێوەى لێژنەیەکدا کۆیان دەکەینەوە بۆ ئەوەى لایەنەکانى ئەو بابەتە ڕێکبخەن، بۆ ئەوە مەبەستەش ئەندامانى ئەنجومەنى وەزارەت چەند پێشنیازێکیان خستەڕو، دواتریش بەکۆى دەنگ ئەنجومەنى وەزارەت بریاریدا بابەتى خوێندنى جینۆساید لە زانکۆکانى هەرێمى کوردستان بخوێندرێ، هەر بۆ ئەو مەبەستە ئەنجومەنى وەزارەت داوا لە شارەزییان و کەسانى پسپۆر لە ناوەو دەرەوەى کوردستان دەکات خۆیان ئامادە بکەن بۆ جێبەجێکردنى ئەو پڕۆژەیە.

لەماڵپەری وەزارەتی خوێندنی بالاو تۆژینەوەی زانستی

ژمارەی بینین:  915      بەروار:  07/06/2017
هیچ سەرنجێک بوونی نیە‌ .
تکایە سەرنجەکەت لێرەوە بنێرە  
   

   زیاتر
هیچ محتوای برای موضوع درخواست شما وجود ندارا‌ .
ماڵپه‌ڕی پێشوو ١
ماڵپه‌ڕی پێشوو ٢
    
Copyright 2012. All Rights Reserved.