کوردی      عربي       فارسی       English       Kurdi  
    
  نادیە موراد:چەند مانگێکە داوای بینینی نێچیرڤان بارزانیم کردوە بەڵام وەڵامم نادەنەوە
“لەناوچە ئازادکراوەکانی شەنگال‌و دەشتی نەینەوا ھەست بەبونی مەترسیەکی گەورە دەکرێت”
ئاوێنە :

نادیە موراد، کچە ئێزیدیی ناسراوی جیھان، ئاماژە بەوە دەکات دوای ئەو ھەمو نەھامەتی‌و وێرانکارییەی بەسەر شەنگالدا ھات ئێستا خەریکە دەبێتە چەقی ململانێی سیاسی‌و بەتەواوەتی لەناودەچێت، ئەو دەڵێت ” سەرۆکی وڵاتان پێشوازیم لێدەکەن، بەڵام چەند مانگێکە داواکاریم پێشکەشی نوسینگەی نێچیرڤان بارزانی کردوە، ھیچ وەڵامێکیان نەداومەتەوە”.
ئاوێنە، شەنگال: نادیە موراد، باڵیۆزی نیازپاکی نەتەوە یەکگرتوەکان لەچاوپێکەوتنێکی تایبەت بەئاوێنەدا رایگەیاند لەناوچە ئازادکراوەکانی شەنگال‌و دەشتی نەینەوا ھەست بەبوونی مەترسیەکی گەورە دەکرێت، کە بوەتە گۆڕەپانی ململانێی سیاسی‌و سەربازی‌و مافی رادەربڕین بەئێزدییەکان نادرێت، ئەو وتی “ئێزیدییەکان قوربانی سەرەکین لەروداوەکاندا، مەترسی ھەیە ئەو ململانێیانە ببنە ھۆی دابەشبونی شەنگال بۆ چەند ناوچەیەک‌و ھەرگیز ناوچەکە نەگەرێتەوە دۆخی پێشوی”.
وتیشی “زۆر دەترسم ململانێکانی نێوان پارتی‌و پەکەکەو ململانێی نێوان ھێزە کوردییەکان‌و حەشدی شەعبی، لەناو ھێزە چەکدارییە ئێزیدیەکانیش دروست ببێت، بۆیە داواکارم ھێزی پاراستنی نێودەوڵەتیمان بۆ دابین بکرێت”.
نادیە ئاماژە بەوە دەکات کە ماوەی دوانزە رۆژ لەکۆچۆ ماونەتەوەو ھاواریان لەعێراق و کوردستان‌و وڵاتانی دراوسێ‌و نەتەوە یەکگرتوەکان‌و ھەمو جیھان کردوە کەسێک بەھانایانەوە نەھاتوە ھەتاوەکو کەوتونەتە دەستی داعش، ئەو وتی “ئەمە وادەکات ئیتر ئێمە بۆ ھەمیشە بترسین‌و ھەموو ساتێک چاوەروانی بەڵایەک بین بەسەرماندا بھێنرێت”.
وتیشی “سوپاس بۆ ئەوانەی پێشوازیان کردوم لەبچوکترین کەس ھەتاوەکو سەرۆکی وڵاتان‌و بەڵێنی پشتیوانیان پێداوین، پێویستە لەگەڵ ئێمەش حکومەتی عێراقی‌و کوردستان داوا لەجیھان بکەن بۆ بەدەنگەوەھاتن‌و پشتیوانی کردنیان لەدۆسیەکەمان، ھەرچەندە بەداخەوە ھەتا ئێستا نەمتوانیوە سەرۆکی حکومەتی کوردستان کاک نێچیرڤان ببینم‌و لەنزیکەوە لەسەر ئەو مەسەلەیە گفتوگۆ بکەین”.
ژمارەی بینین:  1381      بەروار:  06/06/2017
هیچ سەرنجێک بوونی نیە‌ .
تکایە سەرنجەکەت لێرەوە بنێرە  
   

   زیاتر
هیچ محتوای برای موضوع درخواست شما وجود ندارا‌ .
ماڵپه‌ڕی پێشوو ١
ماڵپه‌ڕی پێشوو ٢
    
Copyright 2012. All Rights Reserved.