کوردی      عربي       فارسی       English       Kurdi  
    
  مامۆستایەکی زانکۆی هەڵەبجە کتێبێکی یاسایی بڵاو دەکاتەوە
مامۆستا (ئاوارە حسێن)، مامۆستای جینۆسایدی کورد و گەلان و یاسای نێودەوڵەتی مرۆیی لە بەشی یاسایی زانکۆی هەڵەبجە کتێبێکی یاسایی - زانستی بە ناونیشانی (جینۆسایدی کورد لە ڕوانگەی یاسای تاوانکاری نێودەوڵەتییەوە) بڵاو دەکاتەوەو ئاماژەی بۆ ئەوە کردووە کە نزیکەی ماوەی حەوت ساڵە سەرگەرمی نوسینی کتیبەکەیە. چاپکردن و بڵاو بوونەوەی کتێبەکەشی بە لەدایک بوونی دووەمی خۆی ناودەبات.

مامۆستا لە پێشەکی کتێبەکەیدا ئاماژەی کردووە کە کتێبەکەى بەشێوازێکی یاسایی و زانستی نوسیوەو بۆ یەکەم جار و بە قووڵی جینۆسایدی نەتەوەی کوردى خستووەتە بەردەم ئاوێنەی یاسای تاوانکاری نێودەوڵەتی و سەلماندوویەتى کە ئەو تاوانە نێودەوڵەتیيانەی لەدژی نەتەوەی کورد ئەنجامدراون جینۆسایدە.


کتێبەکەشی دابەش کردووە بۆ سەر شەش بەش:

بەشی یەکەم/ بەقووڵی و ووردی لەبارەی تاوان و تیۆری گشتيی جینۆسایدەوە دەدوێت.

بەشی دووەم/ تایبەتە بە ڕاستینەی کوردان و جینۆسایدەکانی لە هەر چوار بەشی کوردستانی دابەشکراو و داگیرکراودا.

بەشی سێیەم/ تایبەت کراوە بە شایەدحاڵ و ڕزگاربووانی جینۆسایدی کورد.

بەشی چوارەم/ لە بارەی دادگای باڵای تاوانکاریى عێراق و جینۆسایدی کوردەوە دواوە.

بەشی پێنجەم/ تایبەتە بە جینۆسایدی کورد و دادگای تاوانکاريی نێودەوڵەتی.

بەشی شەشەم و کۆتايی/ باسی لە سوود وەرگرتن لە جینۆسایدی کورد کردووە بۆ پێکهێنانی دەوڵەتی کوردستان.


شیاوی باسە کتێبەکە کراوە بە پرۆگرامی خوێندنی هەردوو قۆناغی دووەم و سێیەمی بەشی یاسای زانکۆی هەڵەبجە، کە لەو دوو قۆناغەدا وانەی تیۆری گشتی جینۆساید و جینۆسایدی کورد دەخوێندرێت. مامۆستا خودی خۆی وانەکان دەڵێتەوە و هەر خۆشی دەستپێشخەری جێگیرکردنی وانەکانی جینۆساید بووە، لە بەشی یاسادا.

لە ماڵپوەەری زانکۆی هەلەجەوە
ژمارەی بینین:  1466      بەروار:  28/04/2017
هیچ سەرنجێک بوونی نیە‌ .
تکایە سەرنجەکەت لێرەوە بنێرە  
   

   زیاتر
هیچ محتوای برای موضوع درخواست شما وجود ندارا‌ .
ماڵپه‌ڕی پێشوو ١
ماڵپه‌ڕی پێشوو ٢
    
Copyright 2012. All Rights Reserved.