کوردی      عربي       فارسی       English       Kurdi  
    
  كۆمەڵەی داكۆكیكردن لەگەلانی هەڕەشەلێكراو داوای دادگایكردنی بەرپرسانی كۆمەڵكوژی شەنگال دەكات

سەرۆکی کۆمەڵەی داکۆکیکردن لەگەلانی ھەڕەشەلێکراو داوای لەسەرۆکی ئەنجومەنی ئاسایش کرد کار بۆ دادگایکردنی تاوانبارانی کۆمەڵکوژی ئێزیدییەکان لەشەنگال بکات.
ئاوێنە: ئەمڕۆ (پێنجشەممە) لەشاری لەندەن سەرۆکی کۆمەڵەی داکۆکیکردن لەگەلانی ھەڕەشەلێکراو نامەیەکی ئاراستەی سەرۆکی ئەنجومەنی ئاسایش کرد‌و داوای لێکرد کە تاوانبارانی کۆمەڵکوژی ئێزیدییەکان لەشەنگال بدرێنە دادگای نێودەوڵەتی.
کۆمەڵەی داکۆکیکردن لەگەلانی ھەڕەشەلێکراو داوای لە ماسیۆ رایکروفت سەرۆکی ئەنجومەنی ئاسایش کرد کە دادگای تاوانی نێودەوڵەتی رابسپێرێت بۆ رادەستکردنی بەرپرسان لەکۆمەڵکوژی ئێزییدییەکان‌و لێپرسینەوەیان‌و سزادانی تاوانباران.
لەنامەکەدا سەرۆکی ئەنجومەنەکە ئاماژەی بەوە کردوە کە ناکرێت تاوانبارانی ئەو کۆمەڵکوژییە ئازادبن‌و لێپرسینەوەیان لەگەڵ نەکرێت.
ھەروەھا لەنامەکەشدا جەغت لەسەر ئەو چەرمەسەرییانە کراوە کە قوربانییەکان لەشەنگال لەسەر دەستی چەکدارەکانی داعش چەشتویانەو ئاماژەش بەوە کراوە کە ئێزیدییەکان لەو بڕوایەدان دادگا دەستەوەستانە لەگەیشتن‌و بەسزاگەیاندنی ئەو تاوانبارانەی کە کۆمەڵکوژییەکەیان ئەنجامداوە.
لەراپۆرتەکەی کۆمەڵەکە بۆ ئەنجومەنی ئاسایش بەداتا‌و زانیاری شوێن‌و قەبارەی کۆمەڵکوژیی ئێزیدیەکان لەشەنگال خراوەتەڕو‌و ئەوە دیار نییە کە ئایا کۆمەڵەکە لەدادگایکردنی تاوانباران تەنھا مەبەستی چەکدارەکانی داعش بوە یاخود داواکارییەکە ئەو ھێزانەش دەگرێتەوە کە پشتیان لەپاراستنی شەنگال کرد‌و ناوچەکەیان جێھێشت.
لەماڵپەەری ئاوێنەوە
ژمارەی بینین:  862      بەروار:  31/03/2017
هیچ سەرنجێک بوونی نیە‌ .
تکایە سەرنجەکەت لێرەوە بنێرە  
   

   زیاتر
هیچ محتوای برای موضوع درخواست شما وجود ندارا‌ .
ماڵپه‌ڕی پێشوو ١
ماڵپه‌ڕی پێشوو ٢
    
Copyright 2012. All Rights Reserved.